In die vestigingsfase begin leerders meer selfgerig werk en registreer op Leersfeer, Volkskool se interaktiewe platvorm op die internet. Deur Leersfeer deel ons Doelwitvelle wat vir die leerder persies aandui watter werk elke dag gedoen moet word. Warmpatatte is rekenaaroefeninge wat die leerwerk uit die handboek maklik en pret maak. Die warmpatatte, werkkaarte vir inoefening, formele assesseringstake, toetse en eksamens word ook op Leersfeer beskikbaar gemaak. Die vakmentors is deurlopend beskikbaar en gretig om te help waar dit nodig is.